Јанис ги уништи Лејкерси, Дончиќ и Јокиќ солидни 🎥

Беше возбудливо во НБА лигата во изминатата вечер.

Денвер успеа да слави против Њујорк со 132:115 и така да дојде до втора победа во низа, вкупно 30-та оваа сезона. Нагетси имаат и 24 порази и се наоѓаат на шестото место на табелата на Западната конференција.

Никола Јокиќ повторно беше предвник на својот тим. Србинот продолжи да доминира и оствари учинок од 21 поен, 11 скока и 7 асистенции. Треба да се издвои и настапот на Руки Бонс Хајленд кој постигна 22 поени, по 20 постигнаа Бартон и Грин, Гордон броеше до 19. Рендел беше најдобриот на спротивната страна со дабл-дабл од 28 поени и 10 скока.

Одличен беше и Лука Дончиќ кај Далас. Словенецот мечот против Детроит во кој Мавси славеа го заврши со 33 поени, 11 асистенции 7 скока.

Лејкерси немаа решение за Јанис Антетокумпо кој со 44 поени, 14 скока и 8 асистенции ги водеше актуелните шампиони до победа. Со овој настап Антетокумпо влезе во историјата како трет играч во НБА кој имал 40 поени, 20 скока и 5 асистенции. Пред грчкиот ѕвер ова им успеало само на Чебрлен и Абдул-Џабар. Леброн Џејмс кај Лејкерси го заврши мечот со 27 поени и 8 асистенции, Дејвис имаше сличен учинок со 22 поени и 9 скока.

Giannis vs the Lakers:

44 PTS
15 REB
8 AST
17-20 FG

He joins Wilt Chamberlain and Kareem Abdul-Jabbar as the only players in NBA history with a 40/10/5 game on 85% shooting. pic.twitter.com/fstikQ4Tz1

— StatMuse (@statmuse) February 9, 2022

НБА РЕЗУЛТАТИ:

Филаделфија – Феникс 109:114

Атланта – Индијана 133:112

Бруклин – Бостон 91:126

Мемфис – ЛА Клиперс 135:109

Њу Орлеанс – Хјустон 110:97

Далас – Детроит 116:86

Денвер – Њујорк 132:115

ЛА Лејкерс – Милвоки 116:131

Портланд – Орландо 95:113

Сакраменто – Минесота 114:134