Аргентинците тврдат: Меси не е среќен во Париз

Аргентинските медиуми пренесуваат дека Лионел Меси не е среќен во Париз и го користи секој слободен момент за да се врати во Барселона.

Меси ова лето во спектакуларен трансфер се пресели во ПСЖ, но медиумите тврдат дека ниту тој, ниту неговото семејство не се среќни во Париз, па дури и одбиваат да го учат францускиот јазик.

Не се задоволни ниту од климата, па секој слободен момент семејството го користи за да се врати во Барселона.

„Ел Конфиденсиал“ открива дека Меси не е среќен и попради односите во соблекувалната, а натпреварите во Лига 1 не го мотивираат доволно. Тоа е и причина за стагнација во формата, бидејќи емотивно не е задоволен.

Меси има договор со ПСЖ на уште една година и најверојатно ќе го одработи до крај, бидејќи следната сезона ќе биде и Светското првенство, па сака да биде во форма.