Дополнително обвинение, Гринвуд обвинет за закани за убиство

Кариерата на фудбалерот на Манчестер Jунајтед и англиски репрезентативец, Мејсон Гринвуд најверојатно е завршена, откако полицијата на товар му стави нови обвиненија.

Гринвуд беше уапсен во неделата, откако на Инстаграм профилот на неговата девојка беа објавени фотографии и аудио снимка, кои покажуваат дека извршил физичко насилство врз неа.

Полицијата во Манчестер сега потврди дека тој е „дополнително“ натоварен со нови обвинувања за силување и за закана за убиство на неговата девојка, Хериет Робсон.

„Црвените ѓаволи“ го отстранија од тимот, а исто така ја запреа и продажбата на дресови со неговото име.

Полицијата сега потврди дека покрај физички напад Гринвуд ќе се терети и за силување и закани за убиство.