Али Адем си замина од Шкупи

Иако имаше најави дека Али Адем ќе остане во Шкупи, но сепак тој се враќа во грчки Арис.

Се очекуваше играчот за врска да остане уште шест месеци, меѓутоа дојде до пресврт во ситуацијата. Али Адем откако се појави на сцената во дресот на Вардар доби понуда од Солун која веднаш ја прифати. Минатиот февруари тој во потрага по минутажа се врати во ПМФЛ на позајмица во редовите на Шкупи.

„Навистина поминав добра година во Чаир. Остваривме одлични успеси и најважно е што уживавме со навивачите. Шкупи има историја, станува збор за одличен клуб и сигурен сум дека ќе ги исполни своите цели. Благодарност до сите во стручниот штаб, тренерот Седлоски, играчите, челниците на клубот и навивачите за големата поддршка“, изјави Адем.

Во изминатата година Адем одигра 30 натпревари и постигна два гола.

Фото: ФК Шкупи