Ди Лоренцо: Елмас доби континиутет и прерасна во врвен фудбалер

Џовани Ди Лоренцо имаше интервју со наполитанското радио „Кис Кис“ и во него со големи пофалби зборуваше за Елиф Елмас.

Елмас сезонава игра во континуитет кај Спалети и возвраќа со одлични игри на теренот, тоа го потенцира и Ди Лоренцо.

„Елмас во последно време има голем напредок, доби континиутет и прерасна во врвен фудбалер. Навистина ни е од голема помош“.

Ди Лоренцо и Италија ќе бидат противници на Македонија во баражот за Светското првенство.

„Ќе играме против репрезентацијата на мојот пријател Елмас, против Македонија нема да ни биде лесно. Нашата цел останува да се пласираме на Светското првенство и знаеме дека цела Италија е со нас“, изјави Ди Лоренцо.