Елмас главна тема во Италија – доби место и на насловната на „Кориере дело Спорт“

Елиф Елмас вчера беше херој на Наполи во победата против Лестер од 3:2.

Со двата гола Елмас се најде во центарот на вниманието во Италија. Уште од Хамшик во 2015 година ниту еден фудбалер на Наполи не постигнал повеќе од еден гол во еден европски натпревар.

Заедно со Зјелински Елиф доби највисока оценка во натпреварот и се најде на насловните страни во италијанските медиуми, меѓу кои беше и престижниот „Кориере дело Спорт“.