Даниел Стојановски го наследи Цицмиловиќ на клупата на Воска

Тимот на второлигашот Воска Спорт веројатно беше најактивниот во преодниот рок, резултатите од почетокот на сезоната и не се така лоши, но сепак по победата против Охрид во саботата во Воска се одлучија за промена на клупата.

Воска ја напушти досегашниот прв стратег Раде Цицмиловиќ, а за нов тренер е назначен човекот кој беше негов помошник Даниел Стојановски. Како и голем дел од играчите на Воска и Стојановски пристигна во стручниот штаб на Цицмиловиќ во текот на летото.

Воска верува во квалитетите на новиот стратег, а исто така раководството изрази и благодарност за досегашната работа на тренерот Цицмиловиќ. Воска после осум кола се наоѓа на второто место на табелата зад лидерот Силекс.

Фото: ФК Воска