За недела откажувајте ги сите планови: Не чека луд дерби ден!

Неделата која следи ќе биде вистински празник за сите љубители на фудбалот во ист ден не чекаат неколку супер интересни натпревари.

Серијата дерби натпревари започнува од 16:15 и тоа со „Ел Класико“ помеѓу Барселона и Реал Мадрид. Без разлика што сега ги нема Меси, Рамос и Роналдо секако ова е еден од најголемите натпревари во светот. Според актуелната форма можеби Реал Мадрид е благ фаворит, меѓутоа многу пати сме биле сведоци дека во вакви мечеви формата не игра секогаш улога.

Потоа од 17:30 во англиската Премиер лигата започнува средбата помеѓу Ливерпул и Манчестер Јунајтед. За ривалството помеѓу двата англиски не треба да се трошат премногу зборови, а сега сетоа тоа ќе биде зачинето со приствувото на Кристано Роналдо.

Само половина час подоцна во Италија стартува интересниот дуел помеѓу Рома и Наполи. Рома во овој натпревар влегува после срамниот пораз од Бото Глимт во Конференциската Лига (6:1). Од друга страна Наполи има супер серија во Италија и перфектен старт со „осум од осум“.

Вечерниот термин после оваа средба е резервиран за Дербито на Италија помеѓу лутите ривали Интер и Јувентус. Интер е на третата позиција на табелата со учинок од пет победи, две нерешени и еден пораз. Јувентус е седми, но во последните осум натпревари во сите натпревари има седум победи и изгледа тимот на Масимилијано Алегри влегува во посакуваната форма токму за ова супер дерби.

Дерби во 20:45 часот ќе се игра и во Франција каде што ќе се сретнат тимовите на Марсеј и ПСЖ.

Дефинитивно ова е најлудиот фудбалски ден досега за оваа сезона.