Навивачите на Јувентус го навредуваа, Мурињо им одговори 📸

Фудбалерите на Рома вчера беа поразени на гости против Јувентус со 1:0 во натпреварот од осмото коло во Серија А.

„Старата дама“ успеа да дојде до три бода, а херој беше Моис Кин кој постигна гол во 18. минута. Рома во финишот од полувремето можеше да дојде до изедначување, но Веретут не успеа да го совлада Шчесни од пенал.

Во центарот на вниманието беше Жозе Мурињо кој доби свирежи од навивачите на „старата дама“.

Низ целиот натпревар можеа да се слушнат разни навреди на сметка на Португалецот, но и тој не им остана должен. Мурињо дигна три прсти алудирајќи на триплетата која пред 11 години ја освои со Интер, Јувентус од друга страна никогаш не успеал да стигне до такво нешто.