Оливие Њокас во идеалниот тим во Лигата на шампионите

Оливие Њокас одигра фантастичен натпревар за Вардар во големата победа над европскиот вицешампион Алборг. Оливие постигна седум гола, а посебно импресивен беше во второто полувреме кога шест пати ја тресеше мрежата на данскиот тим.

Неговиот брат близнак Кевин блескаше против Мешков со десет гола, а против Алборг Оливие ја презема главната улога, тука беше и нивниот сонародник Жереми Тото. Секако големи заслуги за победата имаше и Борко Ристовски кој собра 16 одбрани, а ја имаше и втората најдобра во колата.

Њокас доби место идеалниот тим на позицијата лев бек.

ТИМ НА ТРЕТОТО КОЛО ВО ЛШ

ГОЛМАН – Родриго Коралес (Веспрем)

ЛЕВО КРИЛО – Хуго Дескат (Монпелје)

ЛЕВ БЕК – Оливие Њокас (ВАРДАР)

СРЕДЕН БЕК – Килијан Вилјемино (Монпелје)

ДЕСЕН БЕК – Иманол Гарсиандиа (ПИК Сегед)

ДЕСНО КРИЛО – Гаспер Маргуч (Веспрем)

ПИКЕР – Виктор Итуриза (Порто)

Фото: ЕХФ