Добри и лоши вести за Милан

Милан одлично ја отвори сеозната во Серија А, но тренерот Стефано Пиоли има проблем со повредени фудбалери.

Во изминатите два меча Пиоли не можеше да смета на дури седум фудбалери, кои беа надвор од тимот поради повреди.

Пред утрешниот меч со Специја „росонерите“ соопштија добри вести, а тоа е дека во тимот се враќаат Жиру и Калабрија, кои ќе бидат повикани за овој дуел.

Ибрахимовиќ, Кјаер и Месијас се опоравуваат и најверојатно ќе бидат спремни за дуелот со Атлетико Мадрид во Лигата на шампиони.

Лошата вест е што во таборот на „росонерите“ има нова повреда, на Алесандро Флоренци, кој ќе го пропушти утрешниот натпревар.