Роналдо е фудбалер со најголема заработка во светот

Ѕвездата на Манчестер Јунајтед, Кристиано Роналдо е фудбалер со најголема заработка во светот за 2021 година.

Оваа информација денес ја соопшти авторитетниот магазин „Форбс“. Роналдо заработил 125 милиони долари, од кои 70 милиони се од плата, а другите 55 милиони се од рекламни договори.

Веднаш после него е Лионел Меси кој има заработка од 75 милиони долари од плата и 35 милиони од реклами. На третото место е младата ѕвезда на ПСЖ, Килијан Мбапе кој заработува 43 милиони долари од плата и уште 15 милиони преку реклами.

Потоа следува Мохамед Салах со 41 милион долари и Роберт Левандовски со 35 милиони. Интересно е што Андрес Иниеста кој настапува во Висел Кобе се уште има високо место на листата со заработка од 35 милиони долари.