Еден од најталентираните македонски фудбалери, Методи Максимов, останува во Работнички до 2024 година.
Тој потпиша нов договор и ќе остане дел од нашиот клуб и во наредниот период. Спортскиот директор Горан Станковски е задоволен што Максимов ја обнови соработката со Работнички.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
„Раководството на клубот покрај ангажманот на нови засилувања, максимално е фокусирано и на соодветна грижа за фудбалерите кои се нашето богатство и клупска иднина. Во таа насока, среќни сме што ја обновивме соработката со Методи Максимов. Тој е еден од најталентираните македонски фудбалери, младински репрезентативец и веруваме дека е светла иднина на клубот“, вели Горан Станковски.
„Чест ми е што го носам дресот на Работнички. Во овој клуб се изградив како фудбалер и ја добив шансата да се наметнам и благодарен сум за тоа. Се надевам дека во иднина ќе оствариме уште многу заеднички успеси“, изјави Методи Максимов.
Учество во игри на среќа е дозволено за лица со 18+ години. Играј одговорно!