На денешен ден Тајсон го гризна увото на Холифилд 🎥

Во 1997 година на денешен ден во Лас Вегас се одржа можеби најпознатата борба во историјата на боксот.

Ивандер Холифилд и Мајк Тајсон се сретнаа во борбата за титулата во тешка категорија. Моментот по кој оваа борба ќе остане запаметена се случи на 40 секунди пред крајот на третата рунда, тогаш Тајсон гризна дел од десното на неговиот противник. Судијата веднаш ја прекина борбата, а Тајсон доби казна намалување на два поени.

Само четири минути подоцна дојде до нов инцидент, Тајсон го гризна левото уво на Холифилд и тогаш беше дисквалификуван. Покрај дисквалификацијата Тајсон заработи суспензија од една година и парична казна од три милиони долари.