Пандев: Цела Македонија го чека овој момент, да се обидеме да не го завршиме ЕП само со три натпревари

Стефан Даскалов за Спортски од Букурешт

На денешната прес-конференција пред утрешниот натпревар против Австрија присуствуваше капитенот Горан Пандев кој порача дека нормално е во ваков момент да работат емоциите.

„Нормално дека емоциите работата, цела Македонија со нетрпение го очекуваме овој натпревар и верувајте подготвени сме да го оставиме срцето на теренот, сите погледи во Македонија се насочени кон нас“.

„Пред шест години кога дојде во Џенова ме убеди да се вратам во националниот тим затоа што веруваше дека не чекаат успешни денови. Јас и соиграчите сме подготвени да го дадеме максимумот на секој натпревар и да се обидеме да не го завршиме турнирот само со три натпревари“, порача Пандев.

Дуелот помеѓу Македонија и Австрија се игра утре во 18:00 часот.