Eлмас: Добро знаеме какви натпревари не чекаат на ЕП, голем дел од нас играат во силни клубови

Со селекторот Игор Ангеловски на денешната прес-конференција присуствуваше и Елиф Елмас кој беше стрелец против Словенија во претходниот натпревар.

Елмас како и секогаш, не го потцени Казахастан, но најави дека сака победа.

„Очекувам добар натпревар, Моите очекувања се секогаш да се оди на победа па така и сега. Се надевам дека утре ќе ги израдуваме навивачите“.

Ова се подготвителни натпревари, но оние на Европското првенство ќе бидат нешто сосема поразлично.

„„Добро знаеме каква е разликата меѓу овие натпревари и оние на Европското првенство. Тоа ќе бидат натпревари со многу поголем интезитет, но голем дел од нас во репрезентацијата играат во силни клубови и навикнати сме на такви натпревари“, порача Елмас.

Ќе потсетиме натпреварот со Словенија заврши 1:1, а со Казахстан играме утре од 18:00 часот.