Чеферин: Реал, Барса и Јувентус мислат дека земјата е рамна

Претседателот на УЕФА Александар Чеферин уште еднаш испрати јасна порака до Јувентус, Реал Мадрид и Барсeлона, трите клуба кои се уште официјално се немаат откажано од Суперлигата.

Трите клуба се единствени кои не се повлекоа од Суперлигата, па УЕФА отвори процес против нив и им се заканува суспензија од европските натпреварувања.

„Дури и најневерните луѓе во светот разбираат дека Супер лигата заврши. Мислам дека има само три клуба кои сепак мислат дека ќе ја реализираат Суперлигата. Единствените тројца кои мислат дека земјата е рамна се еден Италијанец и двајца Шпанци“, изјави Чеферин и додаде:

-Тие излегоа со соопштение дека Суперлигата се уште постои, а два дена подоцна испратија барање да играат во Лигата на шампионите. Тие рекоа дека Лигата на шампионите е говота, тогаш зошто сакаат да играат во неа? Сега се закануваат, испраќаат писма дека ќе не тужат, споменуваат кривични, па некој друг суд… очигледно имаат премногу пари“.