Донарума не може да си најде клуб: Раиола го нуди на Јувентус за многу помала плата

Иднината на Џанлуиџи Донарума е главна тема на Апенините откако стана јасно дека нема да го продолжи договорот со Милан.

Милан не сакаше да му даде на Раиола провизија од 20 милиони евра и плата од 10 милиони евра по сезона на Донарума.

„Росонерите“ последно му понудија нов договор со плата од 8 милиони евра, но немаше никаков одговор од Донарума.

Милан го загуби трпението и ангажираше нов голман, Мајк Мањан, па му порачаа на Џиџо слободно да си бара нов клуб.

Сега Донарума е во проблем бидејќи сите големи клубови веќе имаат голмани, па никој не е спремен да му понуди толку голема плата.

Се споменуваше Барселона, која сепак ќе го задржи Тер Штеген, а Јувентус е заинтересиран, но не може да се ослободи од Шчешни, кој годишно заработува 7 милиони евра по сезона.

„Кориере дело Спорт“ пренесува дека Мино Раиола сфатил дека е во тешка ситуација и го понудил Донарума во Јувентус за многу помала плата.

Имено, тој од „бјанконерите“ не бара никаква провизија и е задоволен од плата за Донарума од 6 милиони евра, или 2 милиони помалку од што му нудеше Милан.

📰 CorSport: Raiola offers Donnarumma to clubs at €6m per season salary – Juventus and Barcelona have obstacleshttps://t.co/YzGoRG6037 #SempreMilan

— SempreMilan (@SempreMilanCom) May 30, 2021