Барселона добива пет големи засилувања за само 9 милиони

Новиот претседател на Барселона, Жоан Лапорта веќе активно работи на трансфер пазарот за да го засили тимот за следната сезона.

Барселона ја очекува сериозна реконструкција ова лето, неколку фудбалери ќе бидат продадени, а ќе пристигнат нови ѕвезди.

Шпанските медиуми тврдат дека 5 нови засилување се веќе на чекор од „Камп Ноу“ и ќе бидат официјализирани во наредните денови.

Серхио Агуеро, Мемфис Депај, Ерик Гарсија, Жоржињо Вајналдум и Емерсон Ројал ќе станат нови засилувања на Барселона.

Тоа што е најважно за претседателот Жоан Лапорта е што од сите засилувања, ќе плати само за Емерсон. Барселона поседува 50% од неговата сопственост, па ќе плати 9 милиони евра за другата половина.

Останатите ѕвезди доаѓаат бесплатно и сигурно ќе го подигнат квалитетот на тимот.