Најк за Барса подготви специјални дресови за ЛШ, но полоши одамна немаме видено

Фудбалерите на Барселона денеска играат во гости против Еибар во рамки на последното коло од оваа сезона.

Каталонскиот клуб влегува во овој натпревар растеретено бидејќи испаднаа од борбата за титулата, па сезоната ќе ја завршат само со освоен Кралски куп.

Пред челниците на Барселона е големо лето, кога пред се мора да ги решат финансиските проблеми, а после тоа и да направат промени во играчкиот кадар за во наредната сезона.

Барселона наскоро треба да ги претстави и дресовите за новата сезона, а вчера во јавноста се појави и изгледот на дресовите за Лига на шампиони.

Се работи за дресови со кои Барса ќе одигра неколку натпревари наредната сезона во ЛШ, но дизајнот ги разочара навивачите на овој клуб.

Навивачите жестоко ја критикуваат оваа гарнитура на дресови и порачаа дека од година во година имаат се полош изглед на дресови.