Брендон Роџерс:Тотенхем е голем клуб, но останувам во Лестер

Менаџерот на Лестер, Брендон Роџерс ги демантираше шпекулациите дека може да го наследи Жозе Мурињо на клупата на Тотенхем.

Роџерс има респект кон Тотенхем, но истакна дека е среќен во Лестер и има уште многу работа во тој клуб.

„Тоа е фудбал, секогаш има шпекулации за секое слободни место кое ќе се појави. Тотенхем е фантастичен, огромен клуб, но јас сум фокусиран на Лестер. Имам уште многу работа на овој проект“.

„Додека имам енергија и сум среќен не гледам зошто би заминал во друг клуб. Не може да ги контролирате шпекулациите, но јас имам намера да продолжам во Лестер“, изјави Роџерс.