Вацке: Мислам дека знам каде ќе игра Халанд од 1. септември

Извршниот директор на Борусија Дортмунд, Вацке зборуваше за иднината на Ерлинг Халанд.

Вацке во разговор за ББС кажа дека знае каде ќе игра Халанд следната сезона, но не сакаше да открива детали.

„Сите ги интересира каде ќе игра Халанд после 1. септември. Мислам дека знам каде ќе игра, но тоа е се што можам да кажам.“

„Минатата година сите зборуваа дека Санче ќе се пресели во Јунајтед, но тој се уште е член на Борусија. Сега сите пишуваат дека Халанд ќе игра во Реал Мадрид. Во Реал од една, а во Барселона од друга страна.“ – рече Вацке.

Оваа негова изјава може да се протолкува како цврста одлука голгетерот да се задржи во тимот.