Мората заминува, Јувентус носи засилување од 100 милиони

Јувентус минатото лето го донесе Алваро Мората на едногодишна позајмица од Атлетико Мадрид, а во договорот потои опција за откуп.

„Старата дама“ за позајмицата на Мората плати 10 милиони евра, но за целосен откуп ќе треба да плати уште 45 милиони евра, а во моментов не е спремна да ја искористи таа опција.

Раководството на Јувентус на лето најверојатно ќе го врати Мората во Атлетико, а примарна трансфер цел ќе биде Жоао Феликс.

Роналдо го сака својот сонародник и тоа му го порачал на претседателот Андреа Ањели.

„Бјанконерите“ сакаат да донесат нова ѕвезда во нападот, особено поради фактот што Пауло Дибала најверојатно ќе биде продаден.

Јувентус е спремен за Жоао Феликс да понуди 70 милиони евра, плус 30 милиони преку бонуси.