Голман одби да се вакцинира, па го избркаа од клубот

Црногорскиот голман Милан Јеловац доби отказ од клубот бидејќи одбил да биде вакциниран против коронавирус.

Јеловац бранеше за Иглс, клуб од Малдиви, а тамошната Федерација им наредила на клубовите да ги вакцинираат сите фудбалери против коронавирус. Јеловац одбил и после тоа ги добил документите за отказ.

„Тоа е вакцина што не сакав да ја примам. Не бев единствениот што го стори тоа. Од четворицата странци во мојот клуб, тројца не сакаа да примат вакцина од АстраЗенека. Слична беше ситуацијата и во другите клубови“, објасни Јеловац.

Јеловац три месеци мина во премиерлигата на Малдивите, а претходно играше во клубови во Црна Гора и Србија.