Лукаку во своето прво интервју ги освои сите симпатии на навивачите на Јунајтед

Белгискиот напаѓач Ромелу Лукаку одлучи својата кариера да ја продолжи во дресот на Манчестер Јунајтед.

Лукаку по четири сезони ќе го напушти Евертон и иако се шпекулираше дека ќе се врати во Челзи на крајот, овој Белгијанец одлучи да ја прифати понудата на Манчестер Јунајтед. „Црвените ѓаволи“ вчера официјално соопштија дека Лукаку е нов играч на овој клуб, и дека платиле 75 милиони фунти.

Белгијанецот го направи и првото интервју како фудбалер на Манчестер Јунајтед, и одлучи да одговори на прашањето зошто го избра овој клуб. Изгледа дека со овој одговор, Лукаку ги купи симпатиите на навивачите на Јунајтед.

„Пристигнав во Манчестер Јунајтед бидејќи тоа е најголемиот клуб во светот. Овој клуб е гладен за титули и повторно сака да доминира во светот. Ова е шансата која ја чекам од детството. Не можете да кажете НЕ на најголемиот клуб во светот. Јунајтед има најдобар стадион и навивачи и имам одлична шанса за да се докажам“, изјави Лукаку.