Новиот селектор на Германија може да биде големо изненадување

Изненадувачки вести пренесува германски „Билд“ кога во прашање е селекторската позиција во Германија.

Јоаким Лев пред неколку дена соопшти дека си заминува од позицијата селектор во Германија, а од тој момент започнаа шпекулации кој би можел да го наследи. Најмногу се споменуваа имињата на Флик и Клоп, но сега има и изненадување.

Наводно опција Фудбалската федерација на Германија е и актуелниот тренер на Фрајбург Кристијан Штрајх.

Штрајх го води Фрајбург од 2012 година, има 55 години и би можел да биде идеален наследник на Лев.

Не само што е опција, во најголем дел од германските медиуми тој наеднаш се појави и како прв фаворит.

Ќе потсетиме со кој и да биде, Германија со новиот селектор ќе гостува во Скопје во рамките од квалификациите за Светското првенство.