Поразот од Порто им пресуди: Јувентус продава двајца важни фудбалери

Трета година по ред Јувентус беше елиминиран во осминафиналето од Лигата на шампиони и не успеа да направи исчекор во Европа.

Италијанските медиуми пренесуваат дека претседателот Ањели е разочаран од случувањата и на лето спрема голема реконструкција на тимот.

Еминентниот новинар Фабрицио Романо објави информација дека Кулушевски, Бентанкур, Артур, МекКени, Киеза и Де Лихт ќе бидат столбот на Јувентус.

Иднината на останатите е неизвесна, а две ѕвезди сигурно ќе бидат продадени, станува збор за Арон Рамзи и Алекс Сандро.

Најголеми промеми сигурно ќе претрпи нападот, каде Роналдо и Дибала се на излезна врата, по потребен им е најмалку еден врвен напаѓач.