Робертсон: Не можеме да се потпираме на минатото

Левиот бек на Ливерпул, Енди Робертсон смета дека во моментов тимот е далеку од тоа како треба да изледа еден тим на Ливерпул.

Робертсон ги повика соиграчите да заборават за тоа што се случуваше минатата сезона и да покажат вистинска реакција.

„Минатата сезона заврши, готово. Не можеме да се потпираме на минатото. Не сме ни блиску до тоа како треба да изгледа еден тим на Ливерпул.  Ние постојано испуштаме бодови и ова не е доволно добро“, истакна Робертсон.

„Ништо во моментов не е добро затоа што веќе почнуваат да се намалуваат и натпреварите и ние имаме се помали шанси да го постигнеме тоа што го сакаме. Луѓето мислат дека сме паднати, но ние мора да ги добиеме резултатите за да им кажеме дека не сме, но во моментов не го правиме тоа“, додаде бекот на Ливерпул.