Официјално: Црвена Звезда – Милан пред празни трибини

Иако УЕФА даде дозвола, сепак Кризниот штаб на Србија одлучи натпреварот Црвена Звезда – Милан да се игра без публика.

Раководството на Црвена Звезда упати барање до властите да им дозволат 30% од капацитетот на стадионот, а тоа би било околу 15 илјади фанови.

Иако навивачите се надеваа, сепак вечерва Кризниот штаб стави крај  на сите дилеми и не дозволи присуство на публика.

„Не можеме да дозволиме никаков собир, па така и на овој фудбалски натпревар бидејќи епидемиолошката слика во последните денови е влошена, особено на територијата на Белград“, соопштија здравствените власти.