Ривалдо: Барселона требаше да го продаде Меси

Легендарниот бразилски фудбалер Ривалдо смета дека неговиот поранешен тим Барселона требаше да го продаде Лео Меси.

Сагата околу заминувањето на Аргентинецот траеше неколку недели. На крајот Меси сепак остана.

Ривалдо сепак смета дека ова е грешка на раководството на клубот.

„Претходното раководство направи голема грешка што не го продаде Меси додека се уште имаше договор. Можеше да направат нешто слично како што направи Реал со Роналдо. Го продадоа и заработија околу 100 милиони евра.“ – рече Ривалдо.

Да потсетиме, Меси претходното лето побара заминување од клубот. Сагата траеше неколку недели, но на крајот го повлече барањето за трансфер.