Пиоли: Ибрахимовиќ не е расист и да ставиме точка на тоа!

Тренерот на Милан, Стефано Пиоли ја коментираше случката со Ибрахимовиќ за време на дербито со Интер.

Ибра и Лукаку влегоа во вербална расправија, па за малку беше избегната голема физичка пресметка помеѓу корпулентните напаѓачи.

Помеѓу другото Ибрахимовиќ му дофрлил на Лукаку да оди да си ги прави своите вуду глупости, по што многумина го осудија Швеѓанецот за расизам.

„Ибра жали за црвениот картон, но е спремен за утре. Тоа што се случи не е убаво, но такви работи се случуваат на терените. Ибра со сигурност не е расист и треба да ставиме точка на таа тема. Милан секогаш бил на прва линија во борбата против било какви дискриминации“, изјави Пиоли.

Ибрахимовиќ доби суспензија од еден натпревар поради расправијата, но тоа ќе важи само во Куп натпреварите.

Milan, Pioli: "Bologna molto offensivo e per fare punti serve prestazione di alto livello" – https://t.co/7PVuNdwEZz pic.twitter.com/R0oARV32In

— ITASportPress (@ItaSportPress) January 29, 2021