Џеко го побара „светиот дрес“ – Ова е одговорот на Рома!

Франческо Тоти во изминатата сезона го одигра последниот натпревар во дресот на Рома каде што ја помина целата своја кариера.

Легендарниот капитен на Рома одлучи да се прости од „Волчицата“ и да ја заврши својата играчка кариера, а дресот со број десет после 25 години остана слободен. Според пишувањето на италијанските медиуми, Един Џеко изразил желба да ја превземе „десетката“.

Наводно од управата на Рома го одбиле неговото барање и порачале дека дресот со број десет подолго време нема да биде во употреба поради почит кон Тоти.

Исто така Рома и во наредната сезона ќе пушти дресови од Тоти во продажба, со тоа од Рим сакаат да покажат колку им значи легендарниот фудбалер.