Продолжуваат проблемите за Чешка: Го одложија тргнувањето за Египет

Продолжуваат проблемите на Чешка со коронавирусот.

Чешка има големи проблеми пред тргнувањето на Светското првенство во Египет. Екипата требаше денес да полета за Египет, но тргнување е одложено за утре наутро затоа што се уште не е познато кои ракометари и членови на стручниот штаб ќе можат да патуваат.

Чесите мака мачат со коронавирусот од почетокот на овој месец. Поради тоа им беа одложени квалификационите натпревари со Фарски Острови. На последното тестирање девет играчи беа позитивни и уште шест членови на стручниот штаб.

Се уште не се знае во каков состав репрезентацијата ќе допатува во Египет и дали воопшто ќе оди, но шансите да го откаже учеството се мали.

Ќе потсетиме Американците исто така имаат големи проблеми, тие најавија дека ќе одат и со 12 играчи. Во тешка ситуација се и Зеленортските Острови со седум позитивни. Македонија е спремна и ќе чека повик до последен момент.