Ибра утре ќе добие шанса за игра

Тренерот на Милан, Стефано Пиоли изјави дека утре Златан Ибрахимовиќ ќе добие шанса на натпреварот против Торино во Купот на Италија.

Милан уште еднаш игра против Торино на Сан Сиро. После саботниот натпревар во лигата, сега во рамките на Купот, а се очекува двата тренери да направат одредени промени во стартните состави.

Ибра против Торино одигра неколку минути после паузата поради повреда, а се очекува и утре да добие шанса за игра.

„Ова ќе биде важен момент за Златан. Утре ќе добие шанса.“ – рече Пиоли.

Ибра пред повредата последен пат играше во ноември во победата од 3:1 над Наполи, кога постигна два гола.