Милан спрема јануарска трансфер „бомба“

Германските медиуми пренесуваат дека Милан е силно заинтересиран за ѕвездата на ПСЖ и германски репрезентативец, Јулијан Дрекслер.

Милан е во потрага по засилување на крилните позиции, а една од најголемите желби на „росонерите“ е токму Јулијан Дрекслер. Германецот не добива голема минутажа во Париз покрај Нејмар и е спремен да ја промени средината.

Милан сака да ја искористи таквата ситуација, а познато е дека Леонардо е во одлични односи со својот поранешен клуб и со претседателот на ПСЖ.

Договорот на Дрекслер со ПСЖ истекува на крајот на сезоната, па Милан може за симболична сума да го донесе Германецот на „Сан Сиро“