Пресврт и голема победа – Македонија во финале на Европската лига!

Одбојкарите на Македонија направија фантастичен пресврт во натпреварот против Данска и славеа со 2:3 на гостински терен, иако претходно имаа негатива од 2:0 во сетови.

Нашата репрезентација на стартот поведе со 0:2, но Данска направи пресврт и првиот сет го доби со 25:19. Нешто слично се случи и во вториот сет, а за наша среќа тука и заврши доминацијата на Данците.

Третиот сет го добивме со убедливи 14:25 и во тој момент нашите момци добија огромна самодоверба. Во четвртиот сет на домаќините им дозволивме да се доближат на 10:12, сетот го добивме со 20:25. Последниот и решавчки сет Македонија го доби со 11:15.

Иначе ова е трета година во низа Македонија да игра за трофејот во Европската лига.