Бобан го доби Милан на суд

Првостепениот суд во Италија денес донесе одлука дека Милан ќе мора да му исплати сума од 5.4 милиони евра на поранешниот директор на овој клуб Звонимир Бобан.

Бобан во Милан доби отказ после расправијата која ја имаше со еден од челните луѓе на клубот, Газидис. Газдис и Бобан не се согласуваа околу трансфер политиката на клубот па затоа Хрватот доби отказ.

Потоа Бобан се реши да оди на суд каде што излезе како победник бидејќи пресудата е во негова корист.

Инаку како што е познато, Бобан е вистинска легенда на Милан и на „Сан Сиро“ помина скоро цела деценија како играч и затоа односот на клубот кон него беше и малку чуден.