Сејдини: После Нова година ќе разговараме со Ангеловски за нов договор

Утрово првиот човек на Фудбалската Федерација на Македонија, Муамед Сејдини гостуваше во емисијата „Магазин“ на ТВ Сител.

Сејдини зборуваше за разни теми, а една беше и договорот на селекторот Игор Ангеловски кој истекува за неколку дена, на крајот на оваа година.

Ангеловски ја одведе Македонија на Европското првенство кое ќе се игра идната година и јавноста очекува тој да ја води Македонија на првото сениорско ЕП во историјата. Претседателот на ФФМ истакна дека и до сега било пракса за нов договор да се разговара кога ќе истече стартиот.

„На Игор Ангеловски договорот истекува на 31. Декември. И до сега пракса беше да се разговара за нов кога истече актуелниот, па затоа за продолжување ќе разговараме после Нова година“, изјави Сејдини.