Пиоли ќе ги изненади навивачите со изборот на капитен за натпреварот вечерва

Фудбалерите на Милан вечерва играат против Спарта во Прага во последниот натпревар од групната фаза во Лигата на Европа.

„Росонерите“ веќе го обезбедија пласманот во нокаут фазата, а вечерва ќе се борат за првото место во групата. Но, јасно е дека Стефано Пиоли ќе ја искористи оваа прилика да одмори голем дел од првотимците.

Италијанските медиуми пишуваат дека вечерва за Милан нема да играат: Донарума, Ромањоли, Кјаер, Бенасер и Чалханоглу, додека Ибрахимовиќ е повреден од претходно.

Поради тоа се појави интересна вест кој е планиран да биде капитен при толку отсустни. Наводно, Пиоли донел одлука капитен на Милан вечерва да биде Сами Кастиљехо кој вообичаено не е стартер.

Шпанецот за Милан одигра 79 натпревари откако пред две години пристигна од Виљареал.