Шахтјор сезонава во ЛШ постигнува голови само против Реал

Реал Мадрид вечерва повторно беше поразен од Шахтјор со што настана вистински хаос во групата „Б“.

Шахтјор во групата игра промениливо, освои седум бода и тоа шест благодарение на дуелите со Реал Мадрид. Украинците постигнаа пет гола, а примија 12 во пет натпревари. Интересно е што сите пет гола ги постигнаа во двата на натпревари против Реал Мадрид.

Во првиот натпревар Шахтјор го победи Реал со 2:3 во Мадрид, а денес дома славеа со 2:0.

Во останатите три дуели Шахтјор изгуби со 4:0 и 0:6 од Борусија Менхенгладбах и ремизираше со Интер 0:0.