Рамос го избра најомилениот гол во кариерата

Серхио Рамос покажа дека и еден фудбалер кој игра на стоперската позиција може да биде ефикасен, изминатиот викенд тој го постигна неговиот 100-ти гол во дресот на „кралевите“.

Капитенот на Реал во прв план го истакнува тимскиот успех, но еден гол сепак посебно го издвои.

„Рекордите и статистиката се интересни, но за мене главна работа се победите на тимот. Се надевам дека уште долго ќе играм и ќе постигнувам голови. Секој гол за мене е као мое дете. Не е лесно да се избере еден, но постои еден посебен. Погодокот кој ја дефинираше мојата кариера – тоа е оној во Лисабон“, изјави Рамос.

Голот за кој Рамос зборува го постигна во финалето од Лигата на шампионите во 2013/2014 во 93. минута против градскиот ривал Атлетико.