Ако Македонија се пласира на ЕП ќе игра во Русија?

Eвропската куќа на фудбалот размислува Европското првенство кое треба да се игра наредното лето да се игра во една земја поради пандемијата со коронавирусот.

Планирано беше ЕП да се игра во 12 различни земји, но „Ле Парисиен“ сега пишува дека постои опција во УЕФА да го променат планот и собирот на најдобрите репрезентации од стариот континент да биде одигран во Русија.

Причината поради која се размислува за вакво нешто е што играњето во различни земји може да доведе до масовна зараза на фудбалерите со што би се нарушила регуларноста на настанот. Идејата е движењето на играчите да се сведе на минимум.

Ќе потсетиме, Македонија како никогаш претходно има голема шанса да биде дел од Европското првенство и до такво нешто не делат само 90 минути, натпреварот со Грузија на 12. ноември.