Гвардиола за враќањето во Барселона: Среќен сум во Сити

Каталонскиот стратег, Пеп Гвардиола се надева дека уште долго време ќе остане на кормилото на Манчестер Сити.

Гвардиола денес доби прашање за евентуалното враќање во Барселона.

„Многу сум среќен во Сити, задоволен сум во Манчестер и се надевам дека ќе завршам добра работа овде за да останам што е можно подолго во овој клуб“, изјави Пеп.

Гвардиола со овој одговор наговести дека може да го напушти Сити на крајот на сезоната доколку не освои трофеј во Премиер лигата или Лигата на шампиони.

Шпанските медиуми веќе почнаа да шпекулираат дека новиот претседател на Барселона може да настојува за враќање на Гвардиола на „Камп Ноу“.