Oд кога го нема Роналдо во „Ел Класико“ го „нема“ и Меси

Барселона вчера беше поразена во „Ел Класико“ од Реал Мадрид со 1:3. После натпреварот најмногу се зборува за пеналот кој го изнуди и кој го реализираше Серхио Рамос, меѓутоа тука е и еден друг податок – Меси повторно потфрли.

Во Минатото Меси редовно погодуваше или асистираше против Реал Мадрид. Тој со 26 гола е најдобриот стрелец во најголемите шпански дербија, а подели и 14 асистенции. Но веќе шест натпревари Меси е без гол или асистанција против Реал.

И случајно или не постот на Меси почнува кога неговиот најголем ривал Кристиано Роналдо си заминува од Реал Мадрид.

Последен пат кога Меси постигна гол беше во последното „класико“ од кое дел беше и Роналдо. Од 2005 до 2018 Меси постигна 26 гола, а од тогаш наваму ниту еден.

Последниот натпревар против Реал во кој тој постигна беше во 2018 кога дуелот заврши со 2:2. По еден гол во тој натпревар постигнаа и Роналдо и Меси.