Батлер тврди: Знаеме како да го победиме Лејкерс

ЛА Лејкерс синоќа со победата над Мајами Хит со 102:96 ја зголемија предноста на 3:1 во финалната серија во НБА.

Лејкерси сега се наоѓаат на една победа од освојување на нова, 17. НБА титула.

Сепак, главниот играч на Мајами, Џими Батлер тврди дека знаат и умеат како да го победат Лејкерс.

„Сами се победивме, правевме очигледни грешки и во напад и во одбрана. Лејкерси се навистина одлична екипа, затоа мора да бидеме совршени за да ги добиваме. Знаеме и умееме, па ќе се обидеме да ги победиме повторно.“ – рече Батлер по натпреварот.