Нова сезона, стара слика: Азар го пропушта стартот на сезоната

Белгискиот репрезентативец Еден Азар ќе го пропушти првиот натпревар на Реал Мадрид од новата сезона во Ла Лига, пренесуваат шпанските медиуми.

Тој се жали на повреда на глуждот и нема изгледи да се опорави до недела, кога „кралевите“ му гостуваат на Реал Сосиедад.

Поради овој проблем, Азар не учествуваше на натпреварите на неговата репрезентација од Лигата на нации пред една недела. Меѓутоа, и покрај повредата тој се одзва на повикот на Белгија, што го налути Реал Мадрид.

Минатата сезона Азар имаше здравствени проблеми и ја заврши со само еден гол во шампионатот, притоа пропушти голем број на натпревари поради повреда.