Куман конечно се огласи: Среќен сум што Меси остана

Утре Барселона го игра првиот пријателски натпревар на кој ќе дебитира новиот тренер Роналд Куман.

Куман денес зборуваше пред медиумите и секако главна тема беше Меси и неговото останување во Барселона. Холандскиот тренер истакна дека во моментов најважно е Аргентинецот да влезе во оптимална форма.

„Одлично е што остана бидејќи Лео е најдобриот фудбалер во светот. Да имаш таков фудбалер во тимот е нешто исклучително. Во моментов за нас е важно Меси да се наоѓа во најдобрата физичка форма, бидејќи никој не се сомнева во неговиот квалитет. Сите во Барселона сме среќни што остана со нас“, истакна Куман.

„Убаво е што утре се враќаме на терените. Сите фудбалери ќе можат да одиграат одредени минути. Резултатот не е важен, важно е фудбалерите да почнат да ја применуваат мојата тактика и визија на теренот“, додаде Холанѓанецот.