Мурињо: Меси може да го купи само тој што не го почитува Финансискиот фер-плеј

Менаџерот на Тотенхем, Жозе Мурињо категорично ја исклучи можноста Лионел Меси еден ден да заигра во тимот на „спарси“.

Мурињо потенцираше дека Меси може да си го дозволат само клубовите кои го кршат Финансискиот фер-плеј и така индиректно го „пецна“ Манчестер Сити.

„Ние во Тотенхем го почитуваме Финансискиот фер-плеј. Меси може да оди само во клуб кој што не го почитува тоа правило. Па така, со сигурност нема да дојде во Тотенхем“, изјави Мурињо.

Меси беше силно поврзуван со трансфер во Манчестер Сити, но  на крајот се реши да остане во Барселона, а „граѓаните“ беа спремни да му понудат вистинско богатство.

Од друга страна познато е дека Сити имаше проблеми со непочитување на Финансискиот фер-плеј.

"Messi could only go to a team that doesn't respect Financial Fair Play, so not Tottenham for sure."

In an exclusive interview, Spurs boss José Mourinho talks Messi, All or Nothing and Joe Hart. pic.twitter.com/1IGCenMsja

— FootballJOE (@FootballJOE) September 9, 2020