Конечно најавена средба Меси – Бартомеу

Таткото и агент на Лионел Меси, Хорхе ќе пристигне во Барселона следната недела, пренесува „Мундо Депортиво“.

Таткото на Меси треба да се сретне со претседателот на Барселона, Бартомеу и сака професионалните односи помеѓу двете страни да прекинат на мирен начин.

Од тимот на Меси се убедени дека има правна сила за да го раскинат договорот со Каталонците и Аргентинецот да си замине како слободен играч.

Барселона денес ја доби поддршката од Ла Лига која излезс со соопштение во кое е посочено дека Меси може да си замине само доколку се активира неговата клаузула од 700 милиони евра.

Бартомеу на состанокот ќе предложи Меси да потпише нов договор и да остане во Барселона, а се останато ќе го смета за неприфатливо.

Од друга страна, Хорхе ќе инсистира неговиот син пријателски да се раздели со клубот во кој ја помина целата своја досегашна кариера.