Рамос: Не сме први поради судиите, Барса во своите редови нека го бара проблемот

Серхио Рамос по рестартот на сезоната во Ла Лига се покажа како вистински лидер на Реал Мадрид, вчера одново Рамос беше тој кој ја направи разликата.

„Кралевите“ против Атлетик Билбао со минимален резултат победија втор натпревар во низа, а втор пат човекот на одлука беше Рамос. И оваа победа на Реал не помина без полемики за ВАР системот, нешто за кое многу се пишува во Ла Лига во овој период.

Рамос по натпреварот на „Сан Мамес“ се огласи на оваа тема:

„Ла Лига нема да ја освоиме само сезоната. Оние кои не успеаа да ги остварат своите цели вината треба да си ја бараат во своите редови. Судиите не направија ништо клучно, ние сами ја правиме разликата на теренот“, изјави Рамос и така испрати директна провокација до Барселона.